शान्ताकारं भुजगशयनं पद्मनाभं सुरेशं
विश्वाकारं गगनसदृशं मेघवर्णं शुभांगम्।
लक्ष्मीकान्तं कमलनयनं योगिहृद्ध्यानगम्यं
वन्दे विष्णुं भवभयहरं सर्वलोकैकनाथम्।। 62
मेघश्यामं पीतकौशेयवासं
श्रीवत्सांकं कौस्तुभोद्भासितांगम्।
पुण्योपेतं पुंडरीकायताक्षं
विष्णुं वन्दे सर्वलोकैक नाथम्।। 63
सशंखचक्रं सकिरीटकुंडलं
सपीतवस्त्रं सरसीरुहेक्षणम्।
सहार वक्षस्स्थल शोभि कौस्तुभं
नमामि विष्णुं शिरसा चतुर्भुजम्।। 64
करारविंदेन पदारविंदं मुखारविंदे विनिवेशयंतम्।
वटस्य पत्रस्य पुटे शयानं बालं मुकुंदं मनसा स्मरामि।। 65
वसुदेवसुतं देवं कंस चाणूर मर्दनम्।
देवकी परमानंदं कृष्णं वन्दे जगद्गुरुम्।। 66