6 श्रीहरि पञ्चश्लोकी
यया पायन्तेमी परमपुरुष-स्यैककलया
यया मोच्यन्तेमी गहनभवजालान्नतजनाः
यया तार्यन्तेमी परमपुरुषार्थैकरसिकाः
मदीयस्वान्ते सा हरिपदविभा भवतु सततम्।। 1
यया स्वर्णाक्षाद्या.स्सपदि निगृहीता दितिसुताः
यया धर्मापेतेरनिशमभिरक्ष्यन्त उ नताः।
ययासुर्योद्यापि प्रलयमिह संयान्ति निचयाः
मदीयस्वान्ते सा हरिपदविभा भवतु सततम्।। 2।।
यया तूर्णं तीर्णा ध्रुवशुकमहर्षि प्रभृतयः
ययेयुस्संभद्रं रघुयदुमुखाः क्ष्माधिपतयः।
यया गांगेयाद्याः क्लमविरहिताः क्लिष्टसमये
मदीयस्वान्ते सा हरिपदविभा भवतु सततम्।। 3।।
यया वै रेच्यन्ते खलु खलविभावाश्श्रितहृदाम्
यया वै पूर्यन्ते विनतजनहृन्द्यात्मसुभया
यया वै धार्यन्ते निरुपममुदस्स्वान्तकुहरे
मदीयस्वान्ते सा हरिपदविभा भवतु सततम्।। 4।।
ययाविद्याभ्रान्ता ऋजुमविचलां यान्ति धिषणाम्
यया ब्रह्म स्वात्मे-त्यनुभवविभूतिश्च सुदृढा।
यया ब्रह्मात्मैकस्थितिरतिविलीनाश्च यमिनः
मदीयस्वान्ते सा हरिपदविभा भवतु सततम्।। 5।।
फलश्रुतिः यो वै नित्यं वासुदेवैकभक्तः पञ्चश्लोकीं श्रीहरेः पापठीति।
वंशीकृष्णश्श्रीघनश्याममूर्तिः सर्वं दत्ते सच्चिदानन्दकन्दः।।
6 శ్రీహరి పఞ్చశ్లోకీ
యయా పాయన్తేమీ పరమపురుష-స్యైకకలయా
యయా మోచ్యన్తేమీ గహనభవజాలాన్నతజనాః
యయా తార్యన్తేమీ పరమపురుషార్థైకరసికాః
మదీయస్వాన్తే సా హరిపదవిభా భవతు సతతమ్.. 1
యయా స్వర్ణాక్షాద్యా.స్సపది నిగృహీతా దితిసుతాః
యయా ధర్మాపేతేరనిశమభిరక్ష్యన్త ఉ నతాః.
యయాసుర్యోద్యాపి ప్రలయమిహ సంయాన్తి నిచయాః
మదీయస్వాన్తే సా హరిపదవిభా భవతు సతతమ్.. 2..
యయా తూర్ణం తీర్ణా ధ్రువశుకమహర్షి ప్రభృతయః
యయేయుస్సంభద్రం రఘుయదుముఖాః క్ష్మాధిపతయః.
యయా గాంగేయాద్యాః క్లమవిరహితాః క్లిష్టసమయే
మదీయస్వాన్తే సా హరిపదవిభా భవతు సతతమ్.. 3..
యయా వై రేచ్యన్తే ఖలు ఖలవిభావాశ్శ్రితహృదామ్
యయా వై పూర్యన్తే వినతజనహృన్ద్యాత్మసుభయా
యయా వై ధార్యన్తే నిరుపమముదస్స్వాన్తకుహరే
మదీయస్వాన్తే సా హరిపదవిభా భవతు సతతమ్.. 4..
యయావిద్యాభ్రాన్తా ఋజుమవిచలాం యాన్తి ధిషణామ్
యయా బ్రహ్మ స్వాత్మే-త్యనుభవవిభూతిశ్చ సుదృఢా.
యయా బ్రహ్మాత్మైకస్థితిరతివిలీనాశ్చ యమినః
మదీయస్వాన్తే సా హరిపదవిభా భవతు సతతమ్.. 5..
ఫలశ్రుతిః
యో వై నిత్యం వాసుదేవైకభక్తః పఞ్చశ్లోకీం శ్రీహరేః పాపఠీతి.
వంశీకృష్ణశ్రీఘనశ్యామమూర్తిః సర్వం దత్తే సచ్చిదానన్దకన్దః..